وتبوني ما أنقهر...

لأن نوابنا قاموا يمثلون علينا بدل ما يمثلونا .... وصاروا يطلعون بوسائل الإعلام أكثر من ممثلينا ومطربينا... ولأن وزراءنا ومسئولينا صارت تصاريحهم أكثر من شغلهم ... وما يتحركون لي ما تصير مصيبة...

لأن ربعنا غرقانين ببحث شرعية زيارة القبور ... وحقيقة قرقيعان أكانت بدعة صفوية ام تراث كويتي .. وعندهم هالموضوع أهم من التنمية والتطوير ...

ولأن إعلامنا عايش عالاثارة والمشاكل .... وكل من صار عنده جم فلس صار فاهم ويعرف كل شي وقام وفتحله قناة فضائية أو جريدة ...لي ما صارت جرايدنا وقنواتنا أكثر من الهم على القلب...لا وجرايدنا تتوزع ببلاش يعني غصبن عليك تقرا ... والأخبار الشينة توصلك لي بابك .... وبلاش بعد...

لأن التعليم صار تجارة .... وكهربتنا تنقطع ..... ومجارينا تطفح.... ومستشفياتنا قديمة وتتعطل سنترالاتها.... ومشاريعنا عالورق .... وشواطئنا ملوثة.... وشوارعنا دوم زحمة ..... ورياضتنا صارت تلش ....وشبابنا مو محصل شغل.... والشهادات صارت تنشري عيني عينك.... والبيت ما يطلع لك الا بعد 15 سنة ..

ولأن .. ولأن ... ولأن.... تعبت....والله تعبت....عقب كل هذا ما تبوني أنقهر وأقول...
تكفون.. بسنا قهر....